香港裝修設計的三大常見謬誤：先搞清楚限制，再談風格

6月16日
讀畢需時 2 分鐘

已更新：5天前

好多業主搵我哋傾設計嘅時候，第一句就話：「我想要北歐風」、「我想要極簡工業風」。我通常會先讚佢哋有諗法，然後慢慢引導佢哋面對 reality check：香港單位細、樓底矮，好多你喺 Pinterest 見到嘅靚相，根本就套唔落嚟。今日就同大家拆解三個最常見嘅香港裝修設計謬誤。

香港裝修設計 — CLAY Interior Design 室內設計 — CLAY Interior Design — 香港裝修設計

謬誤一：盲目跟風，忽略空間物理限制

最經典嘅例子係「我鍾意無縫水泥地」或者「想要開放式廚房」。但係香港好多樓宇嘅結構地板唔平整，鋪無縫水泥地要成層 50mm 厚，隨時令到樓底矮多幾吋，仲要考慮承重同埋維修。開放式廚房就更加要睇清楚大廈嘅消防條例同煤氣公司規定，唔係話拆牆就拆牆。我成日同客講：先了解單位嘅結構限制（structural constraint），再決定風格，咁先唔會浪費金錢同時間。

謬誤二：以為貴料一定好，忽略物料實際表現

好多客會指定要意大利瓷磚或者美國實木地板，覺得貴就代表耐用。其實香港潮濕多雨，某啲實木地板遇水好易變形，反而工程木地板（engineered wood flooring）嘅穩定性更好。另外，某啲進口意大利瓷磚嘅防滑係數（R rating）未必適合香港家庭，尤其係有長者或小朋友嘅單位。客觀啲講：物料嘅選擇要睇使用環境同個人習慣，唔係「貴就係王道」。