家居室內設計的三大常見迷思：客觀拆解物料與規劃的真相
- 6月8日
- 讀畢需時 2 分鐘
做咗室內設計咁多年，成日聽到客人帶住一啲好深入民心嘅「知識」嚟開會。梗係有啲係啱，但更多時候係要花好多力氣去解釋返個客觀事實。今日就同大家拆解三個最常見嘅迷思，希望喺你構思新屋嗰陣幫到手。
迷思一：開放式廚房一定好實用？
呢個真係最經典。好多雜誌相影到開放式廚房好大好靚，但現實係：你屋企嘅煮食習慣同單位通風，先係決定性因素。如果成日爆炒、煎炸，就算用咗強力抽油煙機，油煙味同油漬始終會慢慢滲去客廳。而且香港細單位多，開放式廚房嘅檯面同收納往往比想像中少。如果你係無飯不歡、成日煮中菜嘅家庭，可能要認真諗清楚是否要「博」呢個設計。
迷思二：木地板越貴越好，實木就一定耐用
實木地板有種自然質感係好多人鍾意，但喺香港潮濕嘅環境下，實木地板嘅穩定性係一個硬傷。熱脹冷縮、受潮變形、刮花後修復成本高。反而而家好多人揀嘅工程木地板（Engineered Wood）或者高質素嘅複合地板（Laminate），喺穩定性同保養上更適合香港氣候。唔好迷信「貴等於耐用」，要睇實際物理限制同你嘅生活習慣。
迷思三：間牆越多越好，增加實用性
細單位想多啲房，呢個好合理。但成日見倒啲單位間到密密麻麻，結果每間房都細到放唔落標準傢俬。其實間牆係好浪費空間嘅做法：牆身佔咗面積，又阻擋咗光線同空氣流通。與其多間一間房，不如用玻璃間隔、趟門或者半通透設計，空間感大咗，實用性反而更高。記住，設計係取捨，冇完美方案。
以上都係我哋日常同客人討論時成日會遇到嘅觀點。每個設計都有優點同代價，最緊要係知道自己想要乜。如果你正面對類似的設計兩難，歡迎與我們聊聊你的想法。
留言