設計師的失眠與靈感：從街頭採集到貓咪療法，一個室內設計師的日常反思

7月22日
讀畢需時 2 分鐘

最近讀到本事空間謝欣曄（小又）的專訪，有段話令我印象好深刻——佢話自己以前做設計會坐喺電腦前八個鐘唔郁，收工仲要失眠，要靠血清素先瞓得着。後來收養十幾隻流浪貓，晨昏要服侍佢哋，反而逼到自己規律作息，失眠都改善晒。呢個故事令我諗起好多同行嘅共通問題：創意人點樣管理自己嘅能量？

以街頭採集充電，靠吸貓治癒失眠 | 專訪本事空間共同創辦人謝欣曄 — CLAY Interior Design — CLAY Interior Design — 以街頭採集充電，靠吸貓治癒失眠 | 專訪本事空間共同創辦人謝欣曄

街頭採集：最被低估嘅靈感充電法

小又另一個習慣係「採集」——用手機影低街頭細節、分類儲存，甚至特登去日本二線城市行小巷。呢種方法唔係新鮮事，但好多人會問：睇Pinterest唔係更快？我嘅經驗係，真實物理空間嘅質感、光線、比例係螢幕冇辦法傳遞嘅。尤其係做老屋翻新或社區小店設計，牆身批盪嘅瑕疵、鐵窗生鏽嘅色澤，呢啲「唔完美」反而係台灣或香港舊區嘅靈魂。我哋團隊每兩個月會安排一次「街拍日」，每人限影20張相，返到公司再揀5張分享討論。呢個習慣逼我哋留意細節，唔係純粹snap and forget。

貓咪療癒vs寵物友善設計：客觀分析

小又話貓主子幫佢調番好心腦頻率，呢點我絕對信。但作為設計師，我哋要提醒業主：養寵物同裝修之間有好多現實考慮。例如：

不過，將寵物元素融入空間唔一定只係功能考慮。好似本事工作室個貓門，鏤空位置反而成為特色。重點係預先諗清楚生活動線，唔好等入伙先發現「呀，隻碗無位擺」。

平衡創作與生活：冇完美嘅設計流程

有人覺得設計師係自由嘅藝術家，但現實係我哋要面對deadline、業主、師傅同結構限制。小又話「被逼着長大」，呢句好中。當工作規模由小店跳到酒店、航空公司，管理壓力完全唔同。我自己嘅做法係：用實體筆記本取代電子快感—每日收工前寫低3件今日學到嘅嘢，唔係to-do list。呢個動作幫我將「散亂嘅靈感」梳理成「可應用嘅知識」，反而減少腦內雜訊。

如果你正面對類似的設計兩難，歡迎與我們聊聊你的想法。可能係寵物友善點樣唔犧牲風格，或者係點樣客觀挑選物料。我哋唔會sell你，只係想分享多一個角度。