唔使搵室內設計公司？拆解香港裝修「判頭 vs 設計公司」迷思
- 6月8日
- 讀畢需時 2 分鐘
上個月有個朋友問我：「我朋友搵判頭裝修，平咗成三成，你哋設計公司係咪真係值呢個差價？」呢個問題幾乎每個月都有人問。作為一個成日喺地盤同判頭、師傅一齊執細節嘅人，我完全明白呢種疑惑。今日唔賣關子，同你客觀拆解呢個迷思。
判頭 vs 室內設計公司：爭議嘅本質
好多香港人覺得室内设计公司（Interior Design Company）收費高係因為設計費同管理費，而判頭就「直接」、「冇中間人食水」。呢個想法一半啱一半錯。判頭嘅確可以慳到設計費，但隱藏成本往往係後期先浮現：例如圖紙唔夠詳細導致施工改動、物料冇人跟進要自己撲、監工係判頭自己人所以走漏眼……。我見過唔少 case，業主最後埋單條數同搵設計公司分別唔大，但心力就花多幾倍。
以下係我綜合多年經驗嘅客觀分析，用列點方式比對兩者優劣：
冇話邊個一定好，取決於你嘅預算、時間同對成品嘅期望。如果你本身對物料、工序、尺寸有好深認識，判頭未必係壞事。但如果你係一般打工仔，只想收貨時見到雜誌相咁嘅效果，設計公司嘅監工服務就係你嘅安全網。
我成日同客講，室內設計唔係買件衫，錯咗可以退貨。裝修係一項不可逆轉嘅工程，每個決定都影響未來五至十年嘅生活。如果你正面對類似嘅設計兩難，歡迎同我哋傾下你嘅想法，我哋可以客觀幫你分析點樣行最穩妥。
留言